Home BOTA Futboll, zbulohet shorti i ndeshjeve play-off për Euro 2020

Futboll, zbulohet shorti i ndeshjeve play-off për Euro 2020

3 min read
0
0
54
Spread the love

Ndeshjet play-off për garën përfundimtare për kualifikim në Kampionatin Evropian “Euro 2020” janë zbuluar pas shortit në qytetin Nyon të Zvicrës, raporton Anadolu Agency (AA).

16 kombëtare do të garojnë për 4 vendet e fundit të garës në futboll Euro 2020, ndërsa faza e ndeshjeve play-off do të fillojë në muajin mars.

Në garë gjenden katër grupe (A, B, C dhe D) dhe secili grup ka nga katër skuadra të cilat kanë garuar në Ligën e Kombeve të UEFA-s. Fituesit e gjysmëfinaleve do të avancojnë në finalen e secilit grup.

Për secilin grup do të zhvillohet nga një finale dhe katër fituesit do t’i bashkangitjen turneut Euro 2020. E gjithë faza e ndeshjeve play-off do të zhvillohet në formatin e eliminimit.

Gjysmëfinalet e ndeshjeve play-off do të fillojnë më 26 mars vitin e ardhshëm dhe më 31 mars do të zhvillohen ndeshjet e finales.

Garat përfundimtare të Euro 2020 do të zhvillohen në gjithë Evropën nga 12 qershori deri më 12 korrik.

20 kombëtare tanimë janë siguruar pjesëmarrjen në Euro 2020.

Franca dhe Turqia janë kualifikuar nga grupi H, Anglia dhe Çekia nga grupi A, Ukraina dhe Portugalia nga grupi B, Gjermania dhe Holanda nga grupi C, Zvicra dhe Danimarka nga grupi D, Kroacia dhe Uellsi nga grupi E, Spanja dhe Suedia nga grupi F, Polonia dhe Austria nga grupi G, Belgjika dhe Rusia nga grupi I, si dhe Italia dhe Finlanda nga grupi J.

Këto skuadra kanë siguruar kualifikim automatik në Euro 2020 duke përfunduar në vendin e parë dhe të dytë në grupet e tyre të kualifikimit.

Nga ana tjetër, këto janë gjysmëfinalet e ndeshjeve play-off që kanë dalë nga Liga e Kombeve:

Grupi A

Islandë – Rumani

Bullgari – Hungari

Grupi B

Bosnjë dhe Hercegovinë – Irlanda Veriore

Sllovaki – Republika e Irlandës

Grupi C

Skoci – Izrael

Norvegji – Serbi

Grupi D

Gjeorgji – Bjellorusi

Maqedoni e Veriut – Kosovë

Load More Related Articles
Load More By FX_MEDIA
Load More In BOTA

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Check Also

Humbi kontaktet me familjen, gjendet në Shqipëri 14-vjeçarja e zhdukur në Greqi

Spread the loveGjendet në Shqipëri një 14-vjeçare nga Kalithea, e cila ishte larguar nga f…