Home AKTUALITET “8 dhjetori”/ Presidenti Meta: Demokracia nuk negociohet, por vetëm mbrohet, mirënjohje të rinjve që shërbyen pas tragjedisë së 26 nëntorit

“8 dhjetori”/ Presidenti Meta: Demokracia nuk negociohet, por vetëm mbrohet, mirënjohje të rinjve që shërbyen pas tragjedisë së 26 nëntorit

4 min read
0
0
54
Spread the love

Presidenti Ilir Meta ka reaguar sot për 8 dhejtorin Dirën e Rinisë. Ai është shprehur se sot do të falënderojë me mirënjohje të thellë, emër për emër, çdo vajzë e djalë, që shërben si vullnetar në shërbim të komunitetit pas tragjedisë së 26 nëntorit.

Ai është shprehur se duhet nderim përjetë veprës së liderit të Lëvizjes Studentore, Azem Hajdarit dhe të gjithë studentëve të Dhjetorit ’90. Presidenti thekson se demokracia nuk negociohet, por vetëm mbrohet dhe me çdo çmim.

Reagimi:

Me mijëra të reja e të rinj shqiptarë, të organizuar vullnetarisht brenda e jashtë vendit që në momentet e para të tërmetit tragjik të 26 nëntorit, po udhëheqin kauzën e solidaritetit për banorët e prekur rëndë nga kjo fatkeqësi natyrore e pabesë që goditi vendin

ërpjekjet e tyre të palodhura për mbledhjen e ndihmave materiale, fondeve dhe shërbimeve që po i ofrojnë komunitetit ditë-natë, janë sa emocionuese, po aq frymëzuese, dhe shembulli më konkret i Shqipërisë njerëzore për të cilën kemi nevojë më shumë se kurrë.

Ndaj sot me rastin e 8 Dhjetorit, Ditës së Rinisë, dua të falënderoj me mirënjohje të thellë, emër për emër, çdo vajzë e djalë, që shërben si vullnetar në shërbim të komunitetit. Jeni të mrekullueshëm dhe të jashtëzakonshëm! Ju inkurajoj dhe ju mbështes, që në shembullin e të rinjve dhe të rejave, të cilët 29 vite më parë vërshuan në rrugët e sheshet e Tiranës për ta ndarë Shqipërinë nga errësira dhe izolimi, të merrni në dorë, falë shpirtit të lirë, energjisë, guximit, kurajos dhe idealeve të pastra, fatet e atdheut tonë, duke udhëhequr proceset demokratike për ndërtimin e një të ardhmeje të sigurtë dhe europianizmit të plotë të Shqipërisë. Nderim përjetë veprës së liderit të Lëvizjes Studentore, Azem Hajdarit dhe të gjithë studentëve të Dhjetorit ’90! “E duam Shqipërinë si gjithë Europa!” 🇦🇱 Demokracia nuk negociohet, por vetëm mbrohet dhe me çdo çmim!

Load More Related Articles
Load More By FX_MEDIA
Load More In AKTUALITET

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Check Also

Turqi/ Pas tërmetit të fortë me magnitudë 6.8 ballë, një zjarr i madh përhapet në disa ndërtesa të shkatërruara

Spread the loveNdërsa numri i viktimave nga tërmeti në Turqi vazhdon të rritet, krahas shk…